قصيده مؤثره

[تدري وش اللي يجرح القلب جرحين
ويمد حبـل الحـزن فيـك ويشـدة
انك تناظر طفل مـن غيـر ابويـن
يمشي ودمعـة سايـل فـوق خـدة


منظر صعيب ويقسم القلـب قسميـن
لا قـام يمسـح دمعـة بكـف يـدة



يمش ولا يدري طريقة علـى ويـن
لين التعب من كثـر مـا تـاه هـدة


اثقل حـروف يشيلهـا فيـة حرفيـن
لا أب يـدري بـه ولا أم تـــردة



في خطوته رحلـة ودمعـة وسكيـن
وحـظ توسـد بالمراسـي مـخـدة



جيت اسألـة بالله قل لـي ولـد ميـن
وبغىيجاوب واختنـق ردة



أنـا يتيـم ومـا لدربـي عنـاويـن
وجزر الحزن فينـي يسـاوي لمـدة



وطعم الطفولة ما عرفته لهـا لحيـن
وثوب السعادة صـرت مانيـب قـدة



ابكي إلى من شفت غيـري سعيديـن
ليـن البكى فينـي وصل حده

واقفى ورحت امسح دموعي من العين
وعيني تناظـر دمعتـه فـوق خـدة



وهذا اللي يجـرح القلـب جرحيـن
ويمد حبل الحـزن غصـب ويشـدة


منقول

مشكوووووووور يالغلا .